Alla i ddewis sut i roi'r gorau i smygu?

Cymorth gan y GIG

Cynyddu eich siawns o lwyddo hyd at 300% o'i gymharu â gwneud hynny ar eich pen eich hun

Beth i'w ddisgwyl

Cymorth cyfrinachol heb barn sydd ar gael am ddim gan arbenigwr cyfeillgar ar roi’r gorau i smygu
Cymorth wyneb yn wyneb neu dros y ffôn
Cymorth un i un neu gwrdd â smygwyr eraill
Sesiynau wythnosol wedi’u teilwra i ddiwallu eich anghenion
Monitro eich cynnydd
Mynediad i feddyginiaeth rhoi’r gorau i smygu am ddim

Y manteision i mi

Mae defnyddio cymorth am ddim y GIG a meddyginiaeth rhoi’r gorau i smygu yn rhoi’r cyfle gorau i chi roi’r gorau i smygu unwaith ac am byth
Byddwch yn gallu siarad ag arbenigwr roi’r gorau i smygu am y camau sy’n gysylltiedig â rhoi’r gorau iddi a sut y gallwch oresgyn sefyllfaoedd anodd
Byddwch yn gallu gwirio eich cynnydd
Bydd meddyginiaeth rhoi’r gorau i smygu gwerth tua £250 ar gael i chi am ddim. Bydd y feddyginiaeth hon yn eich helpu i reoli’r ysfa i smygu a symptomau rhoi’r gorau iddi

Beth ddylwn i ei wneud?

Mynd i bob un o’ch apwyntiadau wythnosol. Bydd hyn yn rhoi’r siawns orau i chi o lwyddo. Yn dibynnu ar y math o gymorth rydych chi’n dewis, gall apwyntiadau bara rhwng 20 munud ac awr
Pennu dyddiad ar gyfer rhoi’r gorau iddi a dechrau ar eich taith ddi-fwg o fewn y pythefnos gyntaf

Defnyddio meddyginiaeth rhoi'r gorau i smygu

Mae hyn yn cynyddu eich siawns o lwyddiant hyd at 100% o'i gymharu â cheisio gwneud eich pen eich hun

Beth i'w ddisgwyl

I gael meddyginiaeth rhoi’r gorau i smygu am ddim, bydd angen i chi weld eich meddyg teulu (neu ddefnyddio gwasanaeth Helpa Fi i Stopio)
Bydd eich meddyg teulu yn gallu eich cynghori ar y feddyginiaeth rhoi’r gorau i smygu orau i chi. Bydd hyn yn dibynnu ar yr hyn rydych chi wedi rhoi cynnig arno o’r blaen a’ch hanes meddygol
Fel arfer, mae meddyginiaeth rhoi’r gorau i smygu yn cael ei darparu am tua 12 wythnos

Y manteision i mi

Gall defnyddio meddyginiaeth rhoi’r gorau i smygu helpu mewn sefyllfaoedd anodd lle mae’n anoddach anwybyddu’r ysfa i smygu
Gallwch ddefnyddio’r feddyginiaeth rhoi’r gorau i smygu i’ch helpu i reoli symptomau rhoi’r gorau iddi yn ystod yr ychydig wythnosau cyntaf
Drwy ddefnyddio meddyginiaeth rhoi’r gorau i smygu, dylai fod yn haws rheoli eich gweithgareddau o ddydd i ddydd

Beth ddylwn i ei wneud?

Dim ond os byddwch chi’n eu defnyddio gan ddilyn cyngor eich gweithiwr iechyd proffesiynol y bydd meddyginiaethau rhoi’r gorau i smygu yn gweithio
Fel arfer, defnyddir meddyginiaeth rhoi’r gorau i smygu am tua 12 wythnos yn rheolaidd
Dylech sicrhau bod pob meddyginiaeth rhoi’r gorau i smygu yn cael ei storio’n gywir a’i chadw oddi wrth blant

Rhoi'r gorau iddi ar eich pen eich hun gyda hunangymorth

Mae hyn yn cynyddu eich siawns o lwyddo hyd at 50% o'i gymharu â cheisio gwneud hynny ar eich pen eich hun

Beth i'w ddisgwyl

Mae ceisio rhoi’r gorau iddi ar eich pen eich hun yn gallu bod yn anodd. Mae hunan gymorth, gan gynnwys apiau megis Smoke Free – quit smoking now, gwefannau a sigarennau electronig yn gallu gwella’ch siawns o lwyddo
Am ragor o wybodaeth am sigarennau electronig cliciwch yma

Y manteision i mi

Smoke Free – quit smoking now yw un o’r apiau mwyaf poblogaidd ar gyfer rhoi’r gorau i smygu ac mae ar gael am ddim
Os ydych yn awyddus i roi’r gorau iddi ar unwaith, gallwch fonitro eich cynnydd ar yr ap Smoke Free – quit smoking now
Mae Smoke Free – quit smoking now yn eich galluogi i nodi’r nifer o ddyddiau rydych chi wedi rhoi’r gorau iddi ac unrhyw sefyllfaoedd anodd rydych wedi eu hwynebu. Mae hefyd yn rhoi awgrymiadau a chyngor i’ch ysgogi chi
Bydd Smoke Free – quit smoking now hefyd yn rhoi gwybod i chi os oes angen mwy o gymorth arnoch chi gan un o wasanaethau Helpa Fi i Stopio

Beth ddylwn i ei wneud?

Ar y dyddiad y byddwch yn rhoi’r gorau iddi, defnyddio grym eich ewyllys i beidio â smygu un pwff o sigarét

Alla i ddewis sut i roi’r gorau i smygu?