Mae fêps yn cynnwys nicotin fel arfer, sy’n gallu niweidio ymennydd person ifanc wrth iddo ddatblygu gan arwain at ddibyniaeth. Dydy defnyddio fêps ddim o fudd i blant a phobl ifanc o gwbl, ac er eu bod yn llai niweidiol na smygu, maen nhw’n dal i fod yn beryglus.
Os yw person ifanc yn fepio ac yn smygu a’i fod eisiau help i roi’r gorau iddi, mae gwasanaethau Helpa Fi i Stopio ar gael i ddarparu cymorth arbenigol.
Gallwn hefyd helpu pobl ifanc sy’n fepio, ond ar hyn o bryd dydyn ni ddim yn gallu darparu Therapi Disodli Nicotin (NRT) iddyn nhw, fel patsh neu gwm.