Bydd unrhyw glaf sy’n smygu yn elwa ar atgyfeiriad at Helpa Fi i Stopio! Mae rhai grwpiau sy’n addas i’w hatgyfeirio yn cynnwys:
- Smygwyr sy’n barod i roi’r gorau iddi: Unigolion sy’n awyddus i roi’r gorau i smygu ac sy’n chwilio am gymorth.
- Smygwyr sy’n pendroni: Cleifion sydd ddim yn barod eto ond a allai gael budd o ddysgu am fanteision iechyd ac ariannol rhoi’r gorau i smygu.
- Smygwyr beichiog: Menywod sy’n smygu yn ystod beichiogrwydd, er mwyn helpu i wella canlyniadau i’r fam ac i’r babi.
- Pobl ifanc 12 oed a throsodd: Pobl ifanc sy’n smygu ac sydd eisiau rhoi’r gorau iddi, yn ddelfrydol gyda chydsyniad eu rhieni.