Rhoi'r gorau i smygu er mwyn dy iechyd

Rhoi'r gorau i smygu yw'r peth gorau y galli di ei wneud i wella dy iechyd. Waeth pa mor hir rwyt ti wedi bod yn smygu, rydyn ni yma i dy gefnogi bob cam o'r ffordd.

O’r eiliad y byddi di’n rhoi’r gorau iddi, bydd dy gorff yn dechrau gwella ei hun—gan ddechrau bron yn syth. Byddi di’n rhyfeddu at y newidiadau anhygoel sy’n digwydd y tu mewn i ti, a chyn bo hir byddi di’n teimlo’r gwahaniaeth y mae rhoi’r gorau i smygu yn ei wneud i dy iechyd, dy egni a dy les!

Dyma gipolwg ar rai o'r newidiadau anhygoel y byddi di’n eu teimlo ar ôl rhoi'r gorau iddi:

Manteision tymor hir

Dyn a dynes yn eistedd tu allan pod glampio yn gwenu. Mae'r ddynes yn arllwys diod dwym i fwg iddynt fwynhau.

Rhoi'r gorau i smygu er mwyn gwella dy iechyd meddwl

Efallai dy fod ti’n teimlo bod smygu yn dy helpu i ymlacio, rheoli straen, neu ymdopi â heriau bywyd—ond y gwir yw, dydy smygu ddim yn gwneud hynny.

Mae ymchwil yn dangos unwaith y byddi di wedi llwyddo i gwblhau’r cam cyntaf i ddod oddi ar nicotin, bydd dy lefelau pryder, iselder ysbryd a straen yn debygol o leihau. Hefyd, mae’r rhai sy’n rhoi’r gorau i smygu yn aml yn dweud eu bod yn teimlo’n hapusach ac yn fwy cadarnhaol na’r rhai sy’n dal i smygu.

Beth am roi cynnig ar deimlo’r gwahaniaeth? Mae cymorth Helpa Fi i Stopio ar gael bob cam o’r ffordd.

 

Ac nid dim ond dy gorff a dy feddwl sy'n elwa!

Dynes gyda gwallt gwyn yn gwenu gyda chefndir melyn cylch

Dwi’n teimlo gymaint yn well. Dwi’n mynd i’r gampfa. Dwi wedi gwneud llwyth o ffrindiau newydd ar ôl dewis rhoi’r gorau i smygu. Mae gen i fywyd cymdeithasol gwych. Dwi’n gallu rhedeg eto a rhedeg o gwmpas gyda’r wyrion.

Dechrau dy daith rhoi'r gorau iddi

Os wyt ti’n barod i gymryd y cam cyntaf tuag at ddyfodol di-fwg, gad i ni dy helpu heddiw. Mae Helpa Fi i Stopio yma i roi’r siawns orau i ti roi’r gorau i smygu am byth.

Switching to English

Cymera'r cam cyntaf Ffonia ni, neu gad i ni dy ffonio di

Rho dy ffydd ynom ni i dy helpu i roi’r gorau i smygu. Ffonia ni ar 0800 085 2219 neu rho dy fanylion a byddwn yn dy ffonio.

Rydyn ni'n croesawu galwadau a gohebiaeth yn Gymraeg. Byddwn yn ymateb yn Gymraeg heb oedi.

I bobl sy’n fyddar, wedi’u byddaru neu sy’n drwm eu clyw, anfonwch e-bost i helpafiistopio@wales.nhs.uk gyda’ch manylion a’ch anghenion a byddwn yn cysylltu â chi gydag amrywiaeth o opsiynau yn eich ardal leol.