Menu

Smygu Heb Ffilter

Aros yn ddi-fwg yw'r dewis gorau alli di wneud.

A oeddet ti’n gwybod bod pob sigarét yn cynnwys dros 7,000 o gemegion, gan gynnwys arsenig, amonia, a fformaldehyd. Pethau fyddet byth yn eu cyffwrdd, heb sôn am eu hanadlu i mewn!

Gall hyd yn oed ysmygu achlysurol gwneud niwed ac effeithio ar dy hwyliau, a’i gwneud hi’n anoddach rhoi’r gorau iddi yn ddiweddarach. Mae dechrau ysmygu pan fyddi di’n ifanc yn cynyddu’r risg o gaethiwed hefyd.

Does dim maint diogel o ysmygu tybaco.

Mae nicotin yn rheoli'r ymenydd

Nicotin yw beth sy'n gwneud ysmygu'n gaethiwus - ac mae'n gweithio'n gyflym. Gall hyd yn oed ysmygu achlysurol effeithio'r ymennydd a chreu ysfeydd am fwy, gan ei gwneud hi'n haws mynd yn gaeth ac yn anoddach cadw rheolaeth.

Nid yw ysmygu yn lleddfu straen

Efallai dy fod yn meddwl bod ysmygu yn helpu rheoli straen, ond nid yw hyn yn wir. Mae nicotin yn cynyddu pryder ac yn cadw lefelau straen yn uchel. Mae'n effeithio ar dy lles meddyliol hefyd - dy hwyliau, ffocws, cymhelliant, a'r gallu i reoli ysgogiadau.

Paid â gadael i gwmnïau mawr elwa

Mae sigaréts wedi'u cynllunio i fod yn gaethiwus - nid damwain yw hynny. Mae cwmnïau tybaco yn elwa trwy gadw pobl ifanc yn gaeth, nid trwy amddiffyn eich iechyd na'ch dyfodol. Mae dewis aros yn ddi-fwg yn golygu aros mewn rheolaeth.

Nid yw rhoi'r gorau i 'smygu yn hawdd.

Mae’n anodd torri’n rhydd o’r cemegau caethiwus sy’n cael eu hychwanegu gan gwmnïau tybaco mawr i gael chi’n gaeth.  Mae’r rhan fwyaf o bobl sy’n ysmygu eisiau rhoi’r gorau iddi – mewn gwirionedd mae mwy na hanner yr ysmygwyr eisiau rhoi’r gorau i ysmygu yn y flwyddyn nesaf a bydd llawer yn ceisio dro ar ôl tro. Gallwch osgoi’r llwybr anodd trwy aros yn ddi-fwg.

Arhosa yn ddi-fwg. Arhosa mewn rheolaeth.

Byddi di yn diolch i dy hun yn y dyfodol.

Switching to English

Cymera'r cam cyntaf Ffonia ni, neu gad i ni dy ffonio di

Rho dy ffydd ynom ni i dy helpu i roi’r gorau i smygu. Ffonia ni ar 0800 085 2219 neu rho dy fanylion a byddwn yn dy ffonio.

Sut rydyn ni'n defnyddio dy data.

Rydyn ni'n croesawu galwadau a gohebiaeth yn Gymraeg. Byddwn yn ymateb yn Gymraeg heb oedi.

I bobl sy’n fyddar, wedi’u byddaru neu sy’n drwm eu clyw, anfonwch e-bost i helpafiistopio@wales.nhs.uk gyda’ch manylion a’ch anghenion a byddwn yn cysylltu â chi gydag amrywiaeth o opsiynau yn eich ardal leol.